RMAC 2018年7月份的人和事

暑假到了,除了放假的學生們有一連串活動,RMAC唔同班同學仔都有很多飯局。當大家共聚一個飯堂,美食佳餚可以飽腹,而同學間的交流既可增加彼此認識,又能富足心靈。除飯局外,亦有上山活動和船P,一齊睇落去啦:

1. 遊船河

小鉛馬班遊船河.jpg

小銅馬班遊船河

小西灣班、銅鑼灣2班、跑馬地班(合稱小銅馬班)同學仔趁炎夏一齊出海,除了香蕉船和Wakeboard,船上更有一條泵氣極速滑梯,連唔識游水的金霸王班長Franki都鼓起勇氣,穿著救生衣直滑落水。當日天氣非常好,令想曬黑的同學都滿載而歸。在此特別感謝一班搞手,包括Dyrek, Justina & Ken等,令今次活動非常成功。


2. 賽事

飛達5K系列賽 賽事三

7月第一個黃昏舉行了飛達5K系列賽第三站,有超過50位RMAC同學參賽。本會特別隨機與部分同學進行訪問,問一問他們比賽的目標,亦訪問了混合組接力冠軍隊伍成員, 當中包括本年亞運代表Crystal教練。

 

屯門班 X 迷你四徑

迷4@第一場港島徑,一個比賽吹一吹雞有10多位同學一齊參加,用齊上齊落精神完成4徑賽事,當日氣溫接近35度,屯門班又一次租車岀發比賽🙈
炎炎夏日各位都不怕辛苦,堅持到最後,仲有3場比賽各位一定要加油💪🏻💪🏻。
係愛呀,屯門班🤣🤣

0722 MOS班眾人高溫完成迷四一

上月提過因為RMAC係迷四第三場贊助,所以好多同學從行動來支持文sir , 有只參加第三場,亦有豪氣萬金的參與全部四場。

第一場被視為"最"易,但高溫之下,見到有參賽抽筋,也有嘔吐現象。

至於本班同學如何,單單睇相就感覺到。


3. 行山 / 私跑

704將軍澳二班夜探釣魚翁

不經不覺將二班已經成立一週年,新學期開始前當然是攪攪新意思啦,所以就舉辦了名為「夜探釣魚翁」行夜山活動,同時欣賞美麗的將軍澳夜景。

當晚一行十五人先從將軍澳運動場出發,經海濱跑到峻瀅旁的石級路接上釣魚翁郊遊徑,幾公里距離就已到釣魚翁山腳位置,未到山頂各師兄妹已經急不及待地拍團體照、自拍及剪影,雖然此上山路段不算高,但部份石級仍要手腳並用爬上,互相照應下安全到達山頂,此時將軍澳的閃爍夜景盡入眼簾。

由於運動場關門時間為十一時正,所以拍完大合照便怱怱回程,雖然是次課外活動不足10K,但各師兄妹都盡慶而歸。

大家期待將來還有類似活動,除了健康地跑步外,亦能欣賞我們居住地方美麗的一面!

711 TKO 綠野仙蹤 - 夜遊獅子山.jpg

711 TKO 綠野仙蹤 - 夜遊獅子山

連續兩週空堂,繼首週夜走釣魚翁、跑兔仔兩團後,翌週登上香港象徵之一獅子山~

由斧山道運動場出發,經黃大仙-獅子山頂-沙田坳回斧山運動場。非常感恩天氣極佳,對岸港島清晰可見。

大家站在獅子山頂,讚嘆不絕。

但願這片土地,依舊美好璀璨~

PS:當日二班靈魂人物傑傑神未能隨大隊上山,所以有心的同學整咗張合成照以表達大家思念之情🙊

卅人響應馬鞍山班首次夜遊馬郊慈山至新圍   行動名稱-試燈.jpg

卅人響應馬鞍山班首次夜遊馬郊慈山至新圍   行動名稱-試燈

MOS班首次搞夜山,路線由馬鞍山後花園馬鞍山郊野公園經慈雲山至沙田圍,雖然未出發前一曰還是下大雨,但退出的同學未至5%。到了5:00pm出發時間,集合地點運動場依然係濕地,天地不怕的各位依原訂路線出發。由黃昏行了差不多兩個小時都未天黑,及後至昂坪才開始就架上燈,天黑後大家都一個跟著一個,好有隊型。

當天遇到了大霧中的密密細雨,能見度只手伸長左右,路上也有很多雨後泥槳地,更有濕滑石面,有同學也跣倒。

經過數小時後,終於到沙角邨大排擋享用美味消夜。天公做美,到吃完大餐後就開始落大雨……大家分組上的士回馬鞍山去!回家後不久更出現大雷雨。

PHOTO-2018-08-02-17-30-21.jpg

704 TKO  學期休假🐇跑

將軍澳2班學期休假兩週,無損同學們每星期練習的決心,首週晚上7.30由運動場出發跑兔仔🐰

縱然盛夏晚上有30度高溫,全部同學亦能順利完成兔仔之旅。

待大家發掘更多路線再一齊跑過💪


4. 超多多多飯局

721 將軍澳周末西貢黃昏跑加插海鮮團.jpg

721 將軍澳周末西貢黄昏跑加插海鮮團

二十二人準四時半從將軍澳運動場出發,全程十二公里途經香港科技大學,終點在西貢運動場, 又得到 Edmund 貼心免費行李運送服務。

食完前菜及沐浴更衣後,就到洪記海鮮酒家,享用盛Sir預訂的越級美味又抵食的🐟🦐🦀.......👻

上水小西灣班長大駕光臨馬鞍山挑戰名梅子林賽道  參與瘋狂尾堂飯局.jpg

上水、小西灣班長大駕光臨馬鞍山挑戰名賽道梅子林及參與瘋狂尾堂飯局

MOS班每期都會選尾堂或是尾二堂為特別路線-----運動場>梅子林斜路上落4亭來回跑>運動場,此處亦為每年皇者賽事的熱點,也是出名練習耐力、肌力的少林木人巷。每逢週末早上,黃昏,晚上都會見到一群一群的跑友來回咁跑。

當天天時地利人和下,得到上水、小西灣兩位班長大駕光臨試玩這條出名賽道,完成後還加班一起吃晚餐!

銅一班尾堂飯局.jpg

銅一班尾堂飯局

< 感激我遇見 >人生匆匆數十載,有沒有一些場景或人物每次想起會令你會心微笑?而我們心中永遠記著一位毅力非凡,排除萬難。對三鐵從永不放棄的教練。"她" "大佬話頂埋佢"這句說話總是令人振奮,互相鼓勵,不放棄,向目標邁進。今期尾堂飯極具意義,銅一班有幸得到這位鼎鼎大名-"粉紅大佬"的教導,回望這兩年間,同學在跑步技巧上獲益良多。參加每場比賽也能將有關技巧一併運用於比賽當中,令同學在每場比賽中發揮良好表現,從而增強自信。山季賽事即將來臨,各同學已如箭在弦,在烈日當空下汗流夾背咬緊牙關加緊訓練。心中不禁響起了"大佬話頂埋佢" 天下無不散之筵席,總有一天我們會再相遇。我們期待著。我們的"粉紅大佬"。感激我遇見。願你的三鐵事業發光發熱,我們銅ㄧHyper班的粉紅大佬👊👊👊👊

屯門班尾堂飯局.jpg

屯門班尾堂飯局

又到尾堂時候,能夠邀請到文sir入黎同我地開餐🤣🤣每次佢都話屯門好遠架,所以佢入黎一定要食餐好嘅🤣

每次一講到落堂食飯,各位同學就好興奮甘話要食呢樣食個樣🤣各位同學同教練們上完堂又聚在一起笑談跑步趣事,分享每次比賽心得,其實係一件好開心嘅事黎,各位其他區嘅同學仔,多啲入黎屯門班一齊上堂食飯啦。😍😍

九1班尾堂飯局.jpg

九1班尾堂飯局

7-17 九仔班尾堂飯之愛拼才會贏💪🏻

山神襲港!三號風球下依然風雨不改,繼續上堂及晚飯😋更榮幸邀請多位將軍澳班男神一同參與😆一班熱血跑手請繼續努力💪🏻無懼風雨勇往直前!Never give up🤟🏻

青衣1班尾堂飯局.jpg

青衣1班尾堂飯局

青衣班同學習慣都係來也匆匆去也匆匆,訓練後趕回家既速度比美衝圈,雖然很多區都有尾堂飯傳統,但青衣班一直沒有試辦,眼見近兩期新同學很積極回來練習,所以決定17號試搞個尾堂飯局。平日很少留下吃飯的同學都踴躍地報名,雖然梁SIR去左集訓未能出席,但最後加上文SIR、陸SIR、BOWIE助教,足足有34人出席,雖然酒微菜薄,但氣氛融洽熱鬧,下期大家繼續努力操跑再操胃~ 

銅2班尾堂飯局.jpg

銅2班尾堂飯局

呢一晚尾堂,教練特別安排在維園練習,先跑一個變速跑,再黎一個衝刺跑,大家都練得好攰好滿足。堂後一大班人去泉章居共進晚宴,當中有一班資深同學,亦喜見很多新同學一齊食飯一齊傾計,希望往後日子銅2班可以有更多飯局啦!

九龍灣班尾堂飯局

一期一會,感謝班長Steven,每一期最後一堂都會搞一個飯局,在老地方,即九龍灣運動場旁邊的冬菇亭開餐。呢一晚有三枱同學共聚,當中仲有即將為人父的豬紅大隊長添。

小西灣班尾堂飯局.jpg

小西灣班尾堂飯局

嚟到7月,又是齊集人馬食尾堂飯嘅時候啦~ (笑)

今次飯局嘅報名情況都甚踴躍,除了小西灣班嘅同學ss,還有嚟補堂嘅銅二班同學仔㗎~🤭 最後坐滿了3圍枱,場面好熱鬧啊~😍

同場加映📸: 七月之星慶生會🎂😎

大埔及北區班尾堂飯局.jpg

大埔及北區班尾堂飯局及回顧


大埔及北區班的「每月的人和事」冇update 兩個月後,轉眼間已經又要去到尾堂啦!
7/23
當晚以客席教練身分教班嘅Lily教練都有份出席尾堂飯局
我哋喺1毫子都冇俾多嘅情況下,好唔覺意咁包咗成間酒家兩個小時。
冇飲醉但食到飽,食到玩「俄羅斯輪盤」先可以將餘下的食物轉移到某啲同學個胃度。
當晚無懼「局佈地區性間竭毛毛雨」有做體能嘅同學們,雙掌都有個印記,我哋特此回顧一下今期發生過的而大家又有記錄落嚟嘅上堂事情。

5/19
第一次星期六晚私跑梅子林
跑跑下.....少咗個🙈🙊🙈
(因為抽筋啫🤭)
5/21
今期首位客席教練萬sir登場!
當晚上咗好似要用練功夫心法去跑步的一課👍🏻👍🏻
當晚亦係遲來的開班飯,
上水班慘被逼遷的同學們與轉班及
新加入的同學們一同食飯
值得留意,今次飯局係破天荒冇邀請教練出席🙊同學終於都可以暢所欲言同🍻啤啤佢🍺,藉此互相交流一下跑步心得。

6/11 及 7/9
Crystal教練及Leanne教練的出現
完堂後均被集郵,女同學們尤其踴躍,
其速度比上堂時衝interval更快🙈🤦🏻‍♂
 
7/16
大埔海濱公園一晚遊
由於大埔運動場被租用,當晚更改為
大埔海濱公園訓練,我哋(小編當晚在B組)有個別開生面訓練方式,就係連跑連休跑幾set再影一張大合照。
我哋仲巧遇「梗有一隻喺咗近」嘅小強兄,女同學們忍不住喜悅嘅情緒,因見到小強兄而尖叫🙊

7/30
新一期大埔及北區班又開班啦!
有咩新嘅情況......下月待續👋🏻

將軍澳一班尾堂飯局

經過接近三個月,逢星期日上堂嘅第二期將一班黎到最尾一堂,係RMAC最遲完第二期嘅其中一班

各師兄弟姊妹先在堂上「品嘗」文sir安排的2分鐘interval 訓練😎,落堂後有10幾位同學再加上文sir去老地方打邊爐慶功😆眾人盡興而歸👏🏼👏🏼

是日精點:有一位渣馬sub 3跑手表示佢唔飲酒喎🙊