2019-1-18 第廿三次全馬 23/12/2018 第五屆 福州馬拉松 YL TO 簡短報告 後感

冬至和聖誕期間和太太Polly到坊了福建福州旅遊及跑了一個全馬賽事。

Hea遊福州三坊七巷,日又去,夜又去。

遊覽了幾個公園,又去行鼓山十八景,不停吃地道小食,最有趣是在市中心要拿著麵包(原來是榴蓮麵包)從店外排隊到店內比錢。

已經多年沒有去內地旅遊,不知道是否國策,所有公廁都非常新淨,非常非常之清潔,公共巴士路線又多,又平宜,¥1 搭全程。下次再返內地,要搞個微信戶口,我們現在是少數用現金的鄉下人了。

全馬全程42.195km,我們倆口也40年了,算是另一個不太長的馬拉松吧。

三年前已經想來福州跑馬,取其交通方便,今次是第二次參加國內全馬。今次和 跑班同學Patrick一起參賽。

Patrick Fu 也有福州馬的報告,有興趣可以去看看。

網上報名 - 十一月初 ,先到先得,我在開始後幾天才報名,也成功有位。

大會Expo - 流程順暢,國內人好多嘢玩,完賽也仍有很多活動,可惜我們要趕著回酒店,所以並沒有逗留。

寄存行李 - 快捷,取回也非常快。

上線 - 全馬/半馬/fun run 分區集合,秩序井然。

賽道 - 國內標準吧,沿途有保安維持秩序,保持賽道暢通,似乎開賽前有灑水,路面沒有塵灰,賽道寬闊,又算平坦,主要是直路,沿途的風景不錯,可惜今天天色昏暗。

官方補給 - 5km 後每2.5km 有水站,好早已經有香蕉、朱古力、番茄仔、蛋糕仔供應,算是不錯,也有好多水站有提供海綿。醫療站多數用噴霧劑,我都享用了四次😅😅😅

醫療隊 - 沿途有不少醫療服務人員一起跑及巡邏,令人感到安心。

官方啦啦隊 - 多數是在舞台上打鑼打鼓表現。

民眾啦啦隊 - 附近民居處都算熱鬧,有些人更特別打扮🤣🤣🤣

終點交通 - 免費直達三個地點,快!

完成牌 - 有心思,幸福滿滿,大家都增添一點福氣吧

結語:好玩,有水平

b1.jpeg
b4.jpeg
b5.jpeg
b8.jpeg
b9.jpeg
b2.jpeg
b3.jpeg
b6.jpeg
b7.jpeg
b10.jpeg
b11.jpeg

2019-1-11 第廿二次全馬 9/12/2018 第四十六屆Honlulu Marathon YL TO 簡短報告及賽後感

這個Honlulu Marathon 馬拉松是 我 (Mr.Right) 和 太太 Polly (Mrs Always Right) 邁向四十週年一個好好的活動。

Honolulu Marathon 全馬是一個沒有限時的全馬賽事,所以好適合拍住拖慢慢跑、慢慢行的42.2km長途賽事,亦是一個好適合初哥體驗馬拉松的賽事。

賽事在晨早05:00起跑,在煙火綻放同時起步。到了08:00太陽已經高高掛在天上,給選手一點磨練。

事實上,我們在賽事中遇到幾對新婚夫婦,一對結婚30年和一對結婚40年,也見到很多對拖著手前進的跑手❤❤❤, 我們當然也是全程一起慢慢前進啦💪💪💪💪

可能由於不限時間,除了只接受女士參賽馬拉松外的賽事外, 這個 Honolulu Marathon 女子選手的比例比其他賽事高很多,有接近一半人數。另外,老人跑手亦有很多,有些八十歲以上。小孩跑手由家長陪同下參賽也不少。在美國,肥胖型跑手非常多,這個賽事亦特別多跑(或行)的肥胖型選手。

我相信除了日本本土賽事外,這是個最多日本跑手參加的賽事,估計有 6-7 成,有時四周都是說日文的跑手,感覺東洋選手比西洋選手多很多。

時間不受限,全程行的跑手也有很多,甚至在初段已經開始行,不是跑馬拉松;

也有消防員,背著全套裝備行足全程;也有似是軍人,背著35kg背包行足全程。

這個賽事,大會提供很多水站,只提供水和sport drink🤣🤣🤣🤣,如果沒有帶備乾糧,也可以到路線途中的M記吃一個午餐再前進。

在過終點一刻,司儀有讀出我和Polly的名字並提及是香港來的跑手。

我們也是只要安全完賽:

前段,七成慢跑,三成急行

中段,三成慢跑,七成急行

後段,七成急行,三成慢行

結果

3:35 完成前半馬,7:39 完成全程,非常滿意的成績🥇🥇🥇

由於是全無時間壓力的馬拉松,大家不論肥、瘦、老、幼、男女都很鬆容地前進。Polly第一次完成全馬,興幸沒有什麼傷痛,當然疲累卻是在所難免的。

今年最遲到終點的選手用了15:19:41完賽。

如果是想做時間的跑手,可選擇排前起跑便不多人阻擋,路線比較平坦、直路多,但天氣稍熱,大概22C-26C。

a1.jpeg
a6.jpeg
a3.jpeg
a5.jpeg
a9.jpeg
a11.jpeg
a13.jpeg
a15.jpeg
a17.jpeg
a2.jpeg
a7.jpeg
a4.jpeg
a12.jpeg
a8.jpeg
a10.jpeg
a14.jpeg
a16.jpeg

2018-07-20 愛跑才會贏:我嘅黃馬之旅

“跑馬初心”
幾年前如果你問我like 唔like 跑步? 我會答你絕對唔係我杯「茶」....偶然會撐下公司贊助既10k公益金慈善跑!跑完第二朝雙腳變咗機械腳,真係舉步難行。不過,我依家可以好肯定咁答你,”我!愛!跑!”

點解要跑呢?每個人都有唔同嘅答案; 而我係因為某次飯局傾開跑步呢個話題,被問到:「跑幾長呀?全馬好難頂㗎!渣馬報名要搶!」因而挑起跑步筋,睇下全馬有幾吸引?自己可以跑得幾快、跑得幾遠?

2015年被好友邀請去柏林🇩🇪跑全馬?心諗:馬拉松 ? 去馬拉松運動鋪頭就去得多,響電視睇人跑又見得多,自己跑全馬?!唔好玩啦, 跑唔掂點算呀?最後就當去旅行嘅心態,括出去跑世界!
當日天氣好,風景好靚,現場氣氛超正,冇諗過初哥嘅我可跑入Sub4 (3:55),開心到忍唔住流咗幾滴男兒淚(** 連個老婆去左邊都唔記得左),跑完全程旅行又變咗機械腳😅
2016年,東馬🇯🇵比柏林🇩🇪初馬PB快咗10分鐘,跑進345。自此更愛上馬拉松,尤其係六大满貫賽事!(又有籍口邊跑邊旅行)

“人生馬拉松,馬拉松人生”
2016年膽粗粗去跑三場大滿貫(倫敦🇬🇧、柏林🇩🇪及芝加哥🇺🇸),正當一切準備就緒,3月初工傷加上跑傷,完全打亂曬個plan。唔駛問成績當然離曬地,做出454 PW (Personal Worst) 。係呢一年,令我有點氣餒及迷失!心中出現好多問號 : 係唔係全馬唔啱我呢?身體負荷唔到呢?年紀大,機器壞…. 
 
原來「上帝早巳預備」,2017年Johnny邀請我加入RMAC試堂,一試後覺得一齊跑又幾好玩喎。在常規訓練及Coaching Yourself 課程中領會到有系統既跑步知識,正確跑姿技巧、肌群訓練以及預防受傷等專業知識。唸番起,未加入RMAC之前,連正確熱身動作都唔識!我太太話我死跑爛跑,人跑我又跑!

“沒有奇蹟,只有累積”
自慚唔係一個熱血跑友,平時少練長課,只靠每次上堂盡力做!通過Elite Team及長跑聯盟等高强度訓練令我心肺耐力、配速開始有明顕提升。係2018年再戰東馬🇯🇵時跑進3:23,比上次東馬3:45,快咗22分鐘,大PB。此役後重拾信心,再次燃起我波士頓🇺🇸BQ的希望。3月初透過跑會得知7月1日有一個出名易做PB嘅澳洲🇦🇺黃金海岸馬拉松賽事,唔駛唸咁多即報。但訓練不久,四月中右膝軟組織發炎,要停練3周及要做物理治療。最後6周刻意加強fast tempo, short & long interval 同埋LSD練習,希望盡快提升狀態。

“沒有最快,只有更快”
因未能按原定計劃完成訓練,唯有抱着”跑、玩、食”的輕鬆心情去黃金海岸!放鬆心情及賽前瞓得好係我今次黃馬既得著。比賽當日,清晨落過雨、陰天、15度;早餐、存包、熱身一切都非常順利,無包袱下用4:45 pace開,以10k為小目標,睇下自己可以頂得幾耐。跑咗5k後小腿覺得好緊,突然唸起龍sir及文sir經常提醒我地要擺手、膊頭放鬆、抬腿摺腳、核心收緊、身向前傾及深呼吸等心法放鬆跑。正如Ivan sir 話斎: 越跑越快,專注每步!當然唔少得太太沿途打氣,令我好有力量向前衝衝衝!最終以3:21:24完成!I’ve made it💪💪💪!比2月東馬🇯🇵PB快咗1分50秒,達BQ報名要求3:25更進一步!這次賽事令我學懂放鬆心情,從逆境中學習及成長,能夠作出改變先至係最可貴的!訓練既汗水係唔會白流;盡力去爭取好成績先至對得住支持我既人。跑步不單帶比我快樂既安多芬及健康,最幸福既莫過於一班志同道合熱愛跑步既朋友為各自目標一齊練習!一齊比賽!為下一個目標進發!
 
#感謝已故好友Tina鼓勵我一齊跑柏林🇩🇪初馬!
#感謝龍🐍、文🐍及RMAC眾教練既教導及一起跑過的日子既跑友!參加跑會後,學懂了跑步貼士,最近2次全馬bye bye 機械腳,令我玩得開心 !
#真心推介Coaching Yourself 課程 (我不是打手)
#同Ivan 🐍暢飲,食好嘢,詳談跑步經歷,沙灘漫步,享受海風!
#特別感激太太每場賽事企足幾粒鐘為我打氣及影靚相;  Vio 伉儷及Ivan sir同行一齊玩、跑、食!

2018-07-03 Gold Coast Marathon

上星期六及日係一年一度澳洲黃金海岸馬拉松的舉行,一眾教練及同學都去左參賽,主要為半馬及全馬。

當中包括但不止於Ivan教練、Leanne教練、三師兄、三師姐、Michael、Vio伉儷。由於天氣和賽道情況適合跑手發揮,不少同學都在賽事中成功突破個人最佳時間。


賽後大家對這次旅程都有感受,我們特別將Vio的賽後感與大家分享:

「就好似當初村上春樹覺得可以寫小說一樣,

2016年9月底嘅一日,

可能同樣因爲一支二壘安打,

又或者只係單單心血來潮,

我突然希望認真學習跑步。

然後就如預早寫好嘅故事情節一樣,

我遇上了RMAC,

每星期一晚,

開始自工作生涯以後嘅首次群跑練習。


當時嘅我並無想像過,

懷著一股衝動走去跑步,

呢團火究竟可以令我跑到幾遠。

「盡跟啦!」係我每次練習起跑時嘅口頭禪,

由當日B組起步,

到每次力竭筋疲盡跟A組,

再去到有幸參與Elite Team訓練。

「盡跟啦!」

令我由無傷無痛完成全馬,

到成功sub4,

再去到今日黃金海岸走入sub315。


長跑係對自我嘅各種頓悟,

為著一個目標而堅持努力,

係一件既純粹又熱血嘅事。

態度決定生活,

我深信,

應做就去做,

夢,與年齡沒有關係。


「盡跟啦!」

希望工餘課後抽時間堅持跑步嘅每一個你,

繼續相信夢,

繼續一齊努力。


P.S.

此行除PB以外兩大收獲:

1.上線前慢跑時遇到種子選手前往起跑區,我同川內優輝選手以接近肩並肩既距離慢跑左20米.


2.拍攝左大量Ivan sir嘅珍貴寫真😎~」


IMG_9320.JPG

2018-06-26 第廿個全馬 Banff Marathon 加拿大報告 YL TO

兩星期前(3/6/2018)在美國加州聖地牙哥跑完一個炎熱的全馬,跟著在美國黃石公園等旅遊了八天,在14/6/2018 飛到Calgary再和朋友自駕遊到Banff National Park準備參加17/6/2018 Banff Marathon。當然旅遊到National Park各個景點例如Columbia Icefield, Lake Louisa等等。今次比較特別,同行朋友即時報名做大會義工及在起跑點打氣。

Banff Marathon已經是三年內第廿個全馬,賽道全程在約1400m海拔進行,大部份時間跑上斜或下斜的路,風景比較優美,所以決定今次輕鬆跑。

日期 17/6/2018, 09:00 起跑
天氣:起跑時只是10C, 跑完也只是21C,天晴,陽光普照
賽事: 10km(1200名跑手), 半馬(1200名跑手), 全馬(350名跑手)

賽道:Banff, 班芙 市中心出發,沿Bow River邊入Bow Valley Parkway向北跑,在 20km沿路回程,進入最後2km, 入Banff Central Park繞行兩條橋回市區終點。全程在約1400m海拔上的馬路,大部份時間跑上斜或下斜的路。跑手在起跑點大多數都是悠悠閒的。我排在尾段 也只是用了12秒便上到線。

安全措施:大會建議全馬選手帶備防熊噴霧(bear spray),因為Banff National Park熊是會出現的,我們之前在馬路也曾見過一隻細細的熊橫過馬路。在賽事中我亦見到一部份選手有帶備bear spray。

水站:單程有9個,來回共18個,即若2.5km便有一個, 水,運動飲料,特別是power gel大量提供,海綿也在第四個水站有提供。每個水站都是小型的,但完全不擠人。義工們都很落力,有義工帶著小孩一起參與,她們也熱情和選手hi-five或擁抱 打氣。

廁所:隔一或兩個水站便有,完全不用排隊,廁所又比較乾淨。

狀態:今次狀態麻麻,跑到25km 已經開始有抽筋現象,在兩個星期前跑完San Diego一個炎熱的全馬後,一直沒有什麼好的練習 和休息,每天都勞勞碌碌,出去旅遊十多小時,賽前一晚也是十時才吃晚餐,出賽身體有些少疲倦。捱下捱下到34km就好d,後段38km恢復了一點體力,可以在6分pace跑最後2km 。沿途吃了大會五包Power gel。

特色: 小型賽事,海拔有1400m 的賽道,由於在 Banff National Park,湖光山色,雪景,倒影,松樹沿著馬路兩傍,是一個好好風景的一個賽事。